Гэр, оффисын агаарыг байгалийн замаар цэвэршүүлж, чийгшүүлдэг ургамлууд — Улаанбаатарын хуурай, утаатай өвөлд онцгой хэрэгтэй.
6 бүтээгдэхүүн байна
Сав & арчилгааны хэрэгсэл хэрэгтэй юу?
Сав & хэрэгсэл үзэхУргамал навчаараа нүүрсхүчлийн хийг шингээж хүчилтөрөгч ялгаруулахаас гадна, хөрс болон үндэсний орчны бичил биетний тусламжтайгаар формальдегид, бензол, ксилол зэрэг өрөөний тавилга, будаг, цэвэрлэгээний бодисоос ялгардаг нэгдлүүдийг шингээдэг. Мөн навчнаас ус ууршуулж өрөөний чийгшлийг нэмдэг.
Улаанбаатарын өвөл агаарын чийгшил 20%-аас доош унадаг бөгөөд энэ нь арьс, хамрын салст, амьсгалын замд шууд нөлөөлдөг. Спатифиллум, ареканы далдуу, папоротник зэрэг өргөн навчит ургамлууд өдөрт хэдэн зуун миллилитр ус ууршуулж, чийгшүүлэгчийн үүргийг хэсэгчлэн гүйцэтгэдэг.
Бодит үр дүн авахын тулд тоо чухал: 15–20 м² өрөөнд дунд оврын 2–3 ургамал байхад мэдэгдэхүйц ялгаа гардаг. Навчны тоосыг 2 долоо хоног тутам арчиж байвал ургамлын шингээх чадвар хамаагүй сайжирна.
Сансевиерия (могойн хэл), спатифиллум, хлорофитум, ареканы далдуу, эпипремнум таван цэцэг хамгийн өргөн судлагдсан бөгөөд арчилгаа нь ч хялбар.
Болно. Сансевиерия шөнө ч хүчилтөрөгч ялгаруулдаг тул унтлагын өрөөнд онцгой тохиромжтой. Хэт олон ургамал байрлуулж чийгийг хэтрүүлэхээс л сэргийлээрэй.
Ерөнхий чиг баримжаа нь 10 м² тутамд дунд оврын 1–2 ургамал. Утаа их үед агаар цэвэршүүлэгч төхөөрөмжийг орлохгүй ч чийгшил, орчны мэдрэмжид тодорхой нэмэр болно.
